Full Grid

കണ്ണൂർ:സുപ്രീംകോടതി വിധിയുണ്ടായിട്ടും ശമ്പളം കൂട്ടാത്തതിൽ പ്രതിഷേധിച്ചു ജില്ലയിലെ സ്വകാര്യ ആശുപത്രികളിൽ നഴ്സുമാർ നടത്തുന്ന അനിശ്ചിതകാല സമരം ഒൻപതാം ദിവസത്തിലേക്ക്.സമരത്തിന് ഐക്യദാർഢ്യം പ്രഖ്യാപിച്ച് കൂടുതൽ സംഘടകൾ രംഗത്തെത്തി.സിപിഐ, ആംആദ്മി, എൻസിപി, എൻവൈസി, എഐവൈഎഫ്, എസ്ഡിപിഐ, കോൺഗ്രസ്, മഹിളാ കോൺഗ്രസ്, യൂത്ത് കോൺഗ്രസ്, കെഎസ്‌യു, ബിജെപി, എബിവിപി, മഹിളാമോർച്ച, യുവമോർച്ച, വെൽഫെയർ പാർട്ടി, ആർഎസ്പി, ജനതാദൾ, വുമൺസ് ഇന്ത്യ,നഴ്സസ് പേരന്റ്സ് അസോസിയേഷൻ, പരിയാരം മെഡിക്കൽ കോളജ് സ്റ്റാഫ് നഴ്സ് എന്നീ സംഘടനകൾ നഴ്സുമാരുടെ സമരത്തിന് ഐക്യദാർഢ്യം പ്രകടിപ്പിച്ച് രംഗത്തുണ്ട്.പത്തിനു നടക്കുന്ന മന്ത്രിതലചർച്ചയിൽ സമരത്തിനു പരിഹാരമുണ്ടാകുമെന്നാണ് നഴ്സുമാരുടെ പ്രതീക്ഷ. ഒത്തുതീർപ്പാകാത്ത പക്ഷം സമരം മറ്റ് ആശുപത്രികളിലേക്കു കൂടി വ്യാപിപ്പിക്കും. നഴ്സുമാരുടെ സമരം പ്രകടമായി ബാധിച്ച സാഹചര്യത്തിൽ ആശുപത്രികളുടെ പ്രവർത്തനം താളം തെറ്റി.

കോഴിക്കോട്:ഹീമോഫീലിയ ബാധിതനായ പത്തൊന്പതുകാരന് എയ്ഡ്സ് രോഗമുണ്ടെന്ന തെറ്റായ പരിശോധനാഫലം നൽകിയ സ്വകാര്യ ലാബ് രണ്ടു കുടുംബങ്ങളെ തീതീറ്റിച്ചു.കോഴിക്കോട് മെഡിക്കൽ കോളേജിനടുത്തുള്ള ആലിയ ലാബ് ആണ് ഇല്ലാത്ത എയ്ഡ്സ് രോഗമുണ്ടെന്ന് റിപ്പോർട് നൽകിയത്.മലപ്പുറം കോട്ടക്കൽ സ്വദേശിയായ യുവാവാണ് ഹീമോഫിലിയ ചികിത്സയുടെ ഭാഗമായി രക്തം മാറാൻ മെഡിക്കൽ കോളേജിലെത്തിയത്.ഇയാളുടെ ദേഹത്ത്   സിറിഞ്ചു കുത്തുന്നതിനിടെ അബദ്ധത്തിൽ പുരുഷ നഴ്സിന്റെ കയ്യിൽ സൂചി കൊണ്ട്  മുറിവുണ്ടായി.നേഴ്സ് ഡോക്ടറോട് കാര്യം പറഞ്ഞപ്പോൾ യുവാവിന് എയ്ഡ്സ് ടെസ്റ്റ് നടത്താൻ ഡോക്ടർ നിർദേശിക്കുകയായിരുന്നു.മെഡിക്കൽ കോളേജിലെ ലാബ് അടച്ചതിനാൽ സ്വകാര്യലാബിലാണ് രക്തം പരിശോധിച്ചത്.എച്.ഐ.വി പോസിറ്റീവ് എന്ന ഫലമാണ് അവർ നൽകിയത്.ഫലം കണ്ട നഴ്സും ആശങ്കയിലായി.ഇതോടെ വീണ്ടും ഡോക്ടർ യുവാവിന്റെ രക്തം പരിശോധിക്കാൻ നിർദേശിച്ചു.മറ്റൊരു സ്വകാര്യ ലാബിൽ പരിശോധിച്ചപ്പോൾ  എച്.ഐ.വി നെഗറ്റീവ് ആയിരുന്നു ഫലം.ഇന്നലെ രാവിലെ മെഡിക്കൽ കോളേജിലെ ലാബിൽ പരിശോധിച്ച് എച്.ഐ.വി ഇല്ലെന്നു സ്ഥിതീകരിച്ചു.ഇതിനിടെ മാനസിക സമ്മർദ്ദത്തിലായ നേഴ്സ് എയ്ഡ്സ് പ്രതിരോധ ഗുളിക കഴിച്ചിരുന്നു.അതിന്റെ പാർശ്വഫലമായി അസുഖമുണ്ടായതായും പറയുന്നു.ആലിയ ലാബ് ഗുരുതര വീഴ്ചയാണ് നടത്തിയത്.ഒരു രോഗിക്ക് എച്.ഐ.വി പോസിറ്റീവ് എന്ന് കണ്ടാൽ വീണ്ടും രക്തം പരിശോധിക്കണം.അതുചെയ്തില്ല.പരിശോധന ഫലം ഡോക്ടറുടെ അടുത്തെത്തിക്കുകയോ വിളിച്ചറിയിക്കുകയോ ചെയ്യണം.എന്നാൽ ലാബുകാർ ലാഘവത്തോടെ കുട്ടിയുടെ കൂട്ടിരുപ്പുകാർക്ക് റിസൾട്ട് കൈമാറുകയായിരുന്നു.

കണ്ണൂര്‍: നെഹ്റു ഗ്രൂപ്പ് ചെയര്‍മാന്‍ പ്രതിയായ കേസ് ഒത്തു തീര്‍ക്കാര്‍ ശ്രമിച്ച കെ സുധാകരനെതിരെ വിദ്യാര്‍ഥി പ്രതിഷേധം. എസ്എഫ്ഐ ജില്ലാ കമ്മിറ്റിയുടെ  നേതൃത്വത്തില്‍ വിദ്യാര്‍ഥികള്‍ കെ സുധാകരന്റെ കോലം കത്തിച്ചു. തളാപ്പില്‍നിന്ന് പ്രകടനമായെത്തിയ വിദ്യാര്‍ഥികള്‍  കാല്‍ടെക്സ് ചുറ്റി പഴയ സ്റ്റാന്‍ഡിലെത്തിയാണ് കോലം കത്തിച്ചത്. എസ്എഫ്ഐ കേന്ദ്ര കമ്മിറ്റിയംഗം നിതീഷ് നാരായണന്‍ ഉദ്ഘാടനം ചെയ്തു. എ പി അന്‍വീര്‍ അധ്യക്ഷനായി. പി എം അഖില്‍, സി പി ഷിജു, പി എ കിരണ്‍ എന്നിവര്‍ സംസാരിച്ചു.

കൊച്ചി:ആക്രമിക്കപ്പെട്ട നടിക്കെതിരെ മോശം പ്രസ്താവന നടത്തിയതിന് ദിലീപ്,സലിം കുമാർ,സജി നന്ത്യാട്ട് എന്നിവർക്കെതിരെ നടപടിയുമായി ദേശീയ വനിതാ കമ്മീഷൻ.ബിജെപി നേതാവ് ശോഭ സുരേന്ദ്രനാണ് പരാതി നൽകിയത്.ദേശീയ വനിതാ കമ്മീഷൻ ഡിജിപി യോട് വിശദീകരണം തേടും.