ന്യൂഡൽഹി:കുടിക്കാൻ ശുദ്ധജലം ലഭ്യമല്ല എന്ന പരാതിക്കു പരിഹാരമായി റയിൽവെയുടെ വാട്ടർ വെൻഡിങ് മെഷീൻ വരുന്നു.വെൻഡിങ് മെഷീനിലൂടെ ഒരു രൂപയ്ക്കു 300 മില്ലി വരുന്ന ഒരു ഗ്ലാസ് വെള്ളം ലഭിക്കും.അതും തണുത്ത വെള്ളം.അരലിറ്റർ വെള്ളത്തിന് മൂന്നു രൂപ,ഒരു ലിറ്ററിന് അഞ്ചു രൂപ,രണ്ടു ലിറ്ററിന് എട്ടു രൂപ,ഒരു ക്യാൻ നിറച്ചു കിട്ടാൻ 20 രൂപ എന്നിങ്ങനെയാണ് ഇതിലെ നിരക്ക്. ഐ ആർ സി ടി സി 450 സ്റ്റേഷനുകളിലായി 1100 വാട്ടർ വെൻഡിങ് മെഷീനുകളാണ് 2017-18 കാലത്ത് സ്ഥാപിക്കുക.ഇത് കേരളത്തിൽ എറണാകുളം നോർത്ത് സ്റ്റേഷനിലടക്കം സ്ഥാപിച്ചിട്ടുണ്ട് .നിലവിൽ 345 സ്റ്റേഷനുകളിലായി 1106 എണ്ണം സ്ഥാപിച്ചു കഴിഞ്ഞു.
