തിരുവനന്തപുരം:സംസ്ഥാനത്ത് പുതിയ തൊഴിൽ നിയമം രണ്ടുമാസത്തിനുള്ളിൽ നിലവിൽ വരും.ഇതനുസരിച്ച് എല്ലാവർക്കുമുള്ള കുറഞ്ഞ വേതനം 18000 രൂപയാകും.80 മേഖലകളിലാണ് കുറഞ്ഞ കൂലി നടപ്പാക്കുക.തോട്ടം മേഖലയിൽ ആവശ്യമായ പരിഷ്ക്കരണം നടത്തുമെന്ന് മന്ത്രി ടി.പി രാമകൃഷ്ണൻ പറഞ്ഞു.മിനിമം വേതനം ഇല്ലാത്ത മേഖലകളിൽ കേവല വേതന നിയമം നടപ്പാക്കുമെന്നും മന്ത്രി വ്യക്തമാക്കി.വീടില്ലാത്ത തോട്ടം തൊഴിലാളികൾക്ക് വീട് നിർമാണത്തിന് സർക്കാർ സഹായം നൽകും.തൊഴിലാളികൾക്കായി പ്രത്യേക പരിശീലന പദ്ധതികളും ആവിഷ്‌കരിക്കും.ബാലവേല വിരുദ്ധ സംസ്ഥാനമായി കേരളം ഉടൻ മാറുമെന്നും മന്ത്രി കൂട്ടിച്ചേർത്തു.
