ന്യൂഡൽഹി:നിർത്താതെ കരഞ്ഞ ഒരു വയസ്സുകാരിയെ അച്ഛൻ ഓവുചാലിലെറിഞ്ഞു കൊന്നു.ഡൽഹി ജാമിയ നഗറിലാണ് സംഭവം.സംഭവവുമായി ബന്ധപ്പെട്ട് കുഞ്ഞിന്റെ അച്ഛൻ റഷീദ് ജമാലിന്റെ പോലീസ് അറസ്റ്റ് ചെയ്തു.ചൊവ്വാഴ്ച അമിതമായി മദ്യപിച്ച് വീട്ടിലെത്തിയ റാഷിദ് ഭാര്യയുമായി വഴക്കിട്ടു.ഇതോടെ കുഞ്ഞ് കരയാൻ തുടങ്ങി.ഉടൻതന്നെ കരയുന്ന കുഞ്ഞിനെയുമെടുത്ത് ഇയാൾ വീട്ടിൽ നിന്നിറങ്ങുകയും കുഞ്ഞിനെ അകലെയുള്ള ഓവുചാലിലെറിഞ്ഞ് കൊലപ്പെടുത്തുകയുമായിരുന്നു.ഇയാൾ കുഞ്ഞിനെ എടുത്തു കൊണ്ട് പോകുന്നത് കണ്ട ഭാര്യ ബന്ധുക്കളെയും അയൽക്കാരെയും കൂട്ടി പുറകെ പോയെങ്കിലും അപ്പോഴേക്കും ഇയാൾ കുഞ്ഞിനെ ഓവുചാലിൽ എറിഞ്ഞിരുന്നു.ചോദ്യം ചെയ്യലിൽ ഇയാൾ കുറ്റം സമ്മതിച്ചിട്ടുണ്ട്.
