ഇരിട്ടി:ആറളം പന്നിമൂലയിൽ സിപിഎം ഓഫീസിനു നേരെ കരിഓയിൽ പ്രയോഗം.സിപിഎം പന്നിമൂല ബ്രാഞ്ച് കമ്മിറ്റി ഓഫീസായ അനന്തൻ സ്മാരക മന്ദിരത്തിനു നേരെയാണ് കരിഓയിൽ പ്രയോഗമുണ്ടായത്.ഒടാക്കലില്‍ സിപിഎം പ്രചാരണ ബോര്‍ഡുകളും കൊടിയും തോരണവും നശിപ്പിച്ചു.ചൊവ്വാഴ്ച പുലര്‍ച്ചെ ആറളം പഞ്ചായത്തിലെ ചെടിക്കുളം, കീഴ്പ്പള്ളി, വെളിമാനം തുടങ്ങിയ പ്രദേശങ്ങളിലെ ബിജെപി, ലീഗ്, കോണ്‍ഗ്രസ് എന്നിവരുടെ കൊടിയും കൊടിമരങ്ങളും നശിപ്പിച്ചിരുന്നു.ആറളം പോലീസ് സ്ഥലത്തെത്തി പരിശോധന നടത്തി.നാട്ടിൽ ക്രമസമാധാനം നശിപ്പിക്കാൻ ശ്രമിക്കുന്ന ശക്തിയാണ് ആക്രമണത്തിന് പിന്നിലെന്ന് സിപിഎം ആരോപിച്ചു.
