Full Grid

തലശ്ശേരി:ബിജെപി ഉള്ളാൾ മണ്ഡലം കമ്മിറ്റി നിർവാഹക സമിതിയംഗം ഉള്ളാൾ സ്വദേശി സുബൈറിനെ(39) കൊലപ്പെടുത്തിയ കേസിൽ നാലുപേർ പോലീസ് പിടിയിലായി.ഇന്നലെ  വൈകുന്നേരം തലശ്ശേരി നഗരമധ്യത്തിലുള്ള ലോഡ്ജിൽ നിന്നാണ് ഇവരെ പിടികൂടിയത്.ഉള്ളാൾ തലപ്പാടി സ്വദേശികളായ നിസാമുദ്ധീൻ(23),മുഹമ്മദ് മുസ്തഫ(21),അബ്ദുൽ റഹ്മാൻ സുഹൈൽ(22),ഹസൻ താജുദ്ധീൻ(24) എന്നിവരാണ് പിടിയിലായത്.നേരത്തെ വധശ്രമക്കേസുകളിൽ പ്രതികളാണിവർ.ഒക്ടോബർ നാലിനാണ് സുബൈർ കൊല്ലപ്പെട്ടത്.നിസ്ക്കാരം കഴിഞ്ഞു പള്ളിയിൽ നിന്നും പുറത്തിറങ്ങിയ സുബൈറിനെ ഇവർ ആക്രമിക്കുകയായിരുന്നു.സുബൈറിന് ഒപ്പമുണ്ടായിരുന്ന സുഹൃത്ത് ഇല്യാസിനു അക്രമത്തിൽ പരിക്കേറ്റിട്ടുണ്ട്.ഈ പ്രദേശത്ത് മയക്കുമരുന്ന് കച്ചവടം നടത്തിയിരുന്നവർക്കെതിരെ സുബൈർ പോലീസിൽ പരാതി നൽകിയിരുന്നു.ഇതാകാം ആക്രമണത്തിന് കാരണമെന്നാണ് പോലീസ് നിഗമനം.

കണ്ണൂർ:കണ്ണൂരും കാസർകോട്ടും തീവണ്ടികൾക്ക് നേരെ വീണ്ടും കല്ലേറ്.മംഗലാപുരം-കോയമ്പത്തൂർ ഇന്റർസിറ്റി എക്സ്പ്രസ്,ഗാന്ധിധാം എക്സ്പ്രസ് എന്നിവയ്ക്കുനേരെയാണ് കല്ലേറുണ്ടായത്.കല്ലേറിൽ രണ്ടു യാത്രക്കാർക്ക് പരിക്കേറ്റു.ഉച്ചയ്ക്ക് ഒന്നരമണിയോടെ കണ്ണപുരത്തിനും പാപ്പിനിശ്ശേരിക്കും ഇടയിലാണ് ഇന്റർസിറ്റി എക്സ്പ്രസിന് നേരെ കല്ലേറുണ്ടായത്.കല്ലേറിൽ നാമക്കൽ സ്വദേശി സുബ്രഹ്മണ്യന്(50) കണ്ണിനു പരിക്കേറ്റു.വൈകിട്ട് ഏഴുമണിയോടെ ചെറുവത്തൂരിനും നീലേശ്വരത്തിനും ഇടയിലാണ് ഗാന്ധിധാം എക്സ്പ്രസിന് നേരെ കല്ലേറുണ്ടായത്.വാഷ് ബേസിനിൽ മുഖം കഴുകിക്കൊണ്ടിരിക്കുകയായിരുന്ന രാജസ്ഥാൻ സ്വദേശി സുജാറാമിനാണ് കാലിനെ പരിക്കേറ്റത്.രണ്ടു സംഭവങ്ങളിലും റെയിൽവേ പോലീസ് കേസെടുത്ത് അന്വേഷണം ആരംഭിച്ചു.

കണ്ണൂർ:ഈമാസം നടക്കുന്ന ഓൾ ഇന്ത്യ മോട്ടോർ ട്രാൻസ്‌പോർട്ട് പണിമുടക്ക് പൊതു ഗതാഗതത്തെ ബാധിക്കില്ലെന്ന് ട്രേഡ്  യൂണിയൻ നേതാക്കൾ വ്യക്തമാക്കി.വൻകിട ചരക്കു വാഹനങ്ങളുടെ ഉടമകളാണ്‌ സമരം പ്രഖ്യാപിച്ചിരിക്കുന്നത്.ട്രേഡ് യൂണിയനുകൾ ചരക്ക് വാഹന ഉടമകൾ ഉന്നയിക്കുന്ന ആവശ്യങ്ങളോട് യോജിക്കുന്നുണ്ടെങ്കിലും സമരം നടത്തുന്നതുമായി ബന്ധപ്പെട്ട് യൂണിയനുകളുമായി ആലോചിക്കുകയോ പിന്തുണ തേടുകയോ ചെയ്തിട്ടില്ലെന്ന് ബസ് ട്രാൻസ്‌പോർട് വർക്കേഴ്സ് ഫെഡറേഷൻ സംസ്ഥാന ട്രെഷറർ കെ.ജയരാജൻ പറഞ്ഞു.സമരത്തിൽ കേരളത്തിലെ ബസ്,ഓട്ടോ,ടാക്സി തൊഴിലാളികളും വാഹന ഉടമകളും പങ്കെടുക്കില്ല.ചരക്ക് വാഹന ഉടമകൾ സമരം നടത്തുന്നത് ജി എസ് ടി നടപ്പാക്കിയതിലെ പ്രശ്ങ്ങൾ പരിഹരിക്കുക, ഇൻഷുറൻസ് പ്രീമിയം വർധന,പെട്രോളിയം ഉത്പന്നങ്ങളുടെ വില വർധന തുടങ്ങിയവയ്‌ക്കെതിരെയാണ്. ഇതേ ആവശ്യങ്ങൾ ഉന്നയിച്ചു കേരളത്തിലെ വാഹന ഉടമകളും തൊഴിലാളികളും പ്രക്ഷോഭം നടത്താൻ ആസൂത്രണം ചെയ്യുന്നുണ്ട്.

കണ്ണൂർ:ആശീർവാദ് ആശുപത്രിക്കു മുന്നിലൂടെയുള്ള റോഡ് ബഹിഷ്‌ക്കരിക്കാനൊരുങ്ങി സ്വകാര്യ ബസ് സംഘടനകൾ.റോഡ് ഗതാഗത യോഗ്യമാക്കാത്ത പക്ഷം ഒക്ടോബർ 13 മുതൽ റോഡ് ബഹിഷ്കരിക്കുമെന്നും മെയിൻ റോഡിലൂടെ സർവീസ് നടത്തുമെന്നും സ്വകാര്യ ബസ് തൊഴിലാളി യൂണിയൻ സംയുക്ത സമിതിയും ബസ് ഓപ്പറേറ്റേഴ്സ് അസോസിയേഷനും അറിയിച്ചു.പുതിയ ബസ് സ്റ്റാൻഡിൽ നിന്നും പുറപ്പെടുന്ന ബസുകൾ ആശിർവാദ് ആശുപത്രിക്കു മുന്നിലൂടെ വരുന്നതു മൂലമുണ്ടാകുന്ന സമയനഷ്ടം,ഇന്ധന നഷ്ടം,അപകട സാധ്യത എന്നിവ പരിഹരിക്കാൻ ഉടനടി നടപടിയെടുക്കണമെന്ന് നിവേദനത്തിൽ ആവശ്യപ്പെട്ടു.പഴയ ബസ് സ്റ്റാൻഡിൽ‌ പുനർ നിർമിച്ച കംഫർട്ട് സ്റ്റേഷൻ പണി പൂർത്തിയായിട്ടും ഉപയോഗിക്കാൻ തുറന്നു കൊടുക്കുന്നില്ലെന്ന് ചൂണ്ടിക്കാട്ടി മേയർക്ക് നിവേദനം നല്കിയിട്ടുണ്ട്.