കണ്ണൂർ:കടമ്പൂരിൽ കോൺഗ്രസ് ഓഫീസായ രാജീവ്ജി കൾച്ചറൽ സെന്ററിന് നേരെ ആക്രമണം.ആക്രമണത്തിൽ കോൺഗ്രസ് പ്രവർത്തകയും കടമ്പൂർ പഞ്ചായത്ത് അംഗവുമായ പി.വി പ്രേമവല്ലിക്ക് പരിക്കേറ്റു.ഇവരെ അക്രമികൾ നിലത്തു തള്ളിയിട്ടു.ഇവരുടെ വീടിന്റെ ജനൽ ചില്ലുകൾ തകർത്തു.പരിക്കേറ്റ പ്രേമവല്ലിയെ തലശ്ശേരി ഇന്ദിരാഗാന്ധി ആശുപത്രിയിൽ പ്രവേശിപ്പിച്ചു.ഇന്നലെ രാത്രി 8.45 ഓടെ ആയിരുന്നു സംഭവം.മുഖം മൂടി ധരിച്ചെത്തിയ ഒരു സംഘം ആളുകളാണ് ഓഫീസിനു നേരെ അക്രമം നടത്തിയത്.നിരവധി ബൈക്കുകളും അക്രമി സംഘം അടിച്ചു തകർത്തു. പ്രദേശത്തെ ബിജെപി-ആർഎസ്എസ് പ്രവർത്തകരാണ് അക്രമം നടത്തിയതെന്ന് കോൺഗ്രസ് ആരോപിച്ചു.സംഭവത്തിൽ പ്രതിഷേധിച്ച് കടമ്പൂർ പഞ്ചായത്തിൽ യുഡിഎഫ് ഇന്ന് ഹർത്താലിന് ആഹ്വാനം ചെയ്തു.
