ചെന്നൈ:ചെന്നൈ നഗരത്തിൽ കനത്ത മഴ.വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചു.ഇടതടവില്ലാതെ പെയ്യുന്ന മഴ ചെന്നൈ നഗരത്തെ വെള്ളക്കെട്ടിലാക്കുകയാണ്. കനത്ത മഴയെ തുടർന്ന് ചെന്നൈ,കാഞ്ചിപുരം,തിരുവള്ളൂർ എന്നീ ജില്ലകളിലെ വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചിരിക്കുകയാണ്.തഞ്ചാവൂർ ജില്ലയിൽ മതിലിടിഞ്ഞു വീണ് ഒരു മരണം റിപ്പോർട് ചെയ്തിട്ടുണ്ട്.അടുത്ത വെള്ളിയാഴ്ച വരെ കനത്ത മഴ തുടരുമെന്ന് കാലാവസ്ഥ നിരീക്ഷണ കേന്ദ്രം റിപ്പോർട് ചെയ്തു.2015 ഡിസംബറിൽ ചെന്നൈയിലുണ്ടായ പ്രളയത്തിൽ 150 പേർ മരിച്ചിരുന്നു.എന്നാൽ പ്രളയത്തെ നേരിടാനുള്ള മുൻകരുതലുകൾ എടുത്തിട്ടുണ്ടെന്നു അധികൃതർ വ്യക്തമാക്കി.നഗരത്തിൽ ഗതാഗതവും താറുമാറായിരിക്കുകയാണ്.
