അമർനാഥ്:ഹിമാലയത്തിലെ പരിസ്ഥിതിലോല പ്രദേശത്ത് സ്ഥിതി ചെയ്യുന്ന അമർനാഥ് ഗുഹാക്ഷേത്രത്തെ പരിസ്ഥിതിലോല പ്രദേശമായി പ്രഖ്യാപിച്ചു.ദേശീയ ഹരിത ട്രിബ്യുണലാണ് പ്രഖ്യാപനം നടത്തിയത്.ക്ഷേത്രത്തിൽ മന്ത്രോച്ചാരണം,മണിയടി ശബ്‌ദം,പ്രവേശനകവാടത്തിൽ കാണിക്കയിടൽ എന്നിവ വിലക്കിയിട്ടുണ്ട്.പരിസ്ഥിതി പ്രവർത്തകയായ ഗൗരി മൗലേഖിയുടെ ഹർജിയിലാണ് നടപടി.തീർത്ഥാടകർക്ക് നൽകേണ്ട അടിസ്ഥാന സൗകര്യങ്ങൾ എന്തൊക്കെയാണ് എന്നതിനെ കുറിച്ച് വ്യക്തമായ റിപ്പോർട്ട് മൂന്നാഴ്ചയ്ക്കകം നൽകണമെന്നും ട്രിബ്യുണൽ നിർദേശിച്ചിട്ടുണ്ട്.അതേസമയം ട്രിബ്യുണലിന്റെ ഉത്തരവിനെതിരെ വിശ്വഹിന്ദു പരിഷത്ത് രംഗത്തെത്തിയിട്ടുണ്ട്.ശ്രീനഗറിൽ നിന്നും 136 കിലോമീറ്റർ വടക്കുകിഴക്ക് ഭാഗത്തായി സമുദ്രനിരപ്പിൽ നിന്നും 3888 മീറ്റർ ഉയരത്തിൽ അമരണത്തിലെ ഒരു ഗുഹയിലാണ് ഈ ക്ഷേത്രം സ്ഥിതിചെയ്യുന്നത്.മഞ്ഞിലുള്ള ശിവലിംഗമാണ് ഇവിടുത്തെ പ്രത്യേകത.
