നടുവിൽ:നടുവിൽ സെൻട്രലിൽ മൂന്നു വയസ്സുകാരിക്കും അറുപത്തഞ്ചുകാരിക്കും തെരുവ് നായയുടെ കടിയേറ്റു.ഇസ്മയിലിന്റെ മകൾ ഫാത്തിമ,കാക്കാമണി നാരായണി എന്നിവർക്കാണ് തെരുവുനായയുടെ കടിയേറ്റത്.ഫാത്തിമയുടെ ചുണ്ട് നായ കടിച്ചു പറിച്ചു.സാരമായി പരിക്കേറ്റ കുട്ടിയെ തലശ്ശേരി ആശുപത്രിയിൽ പ്രവേശിപ്പിച്ചു.കുട്ടിയെ കടിക്കുന്നത് കണ്ട് വീട്ടുകാർ ബഹളം വെച്ചതിനെ തുടർന്ന് നായ ആട്ടുക്കുളം ഭാഗത്തേക്ക് ഓടി.ഇവിടെ വീട്ടിനകത്തു കയറിയാണ് നാരായണിയെ കടിച്ചത്.കൈക്കും കാലിനും കടിയേറ്റ ഇവരെ ഒടുവള്ളി സാമൂഹികാരോഗ്യ കേന്ദ്രത്തിൽ ചികിത്സ നൽകി.നാരായണിയുടെ വീട്ടിനുള്ളിൽ ഉണ്ടായിരുന്ന പൂച്ചയേയും പട്ടി കടിച്ചു കൊന്നു.അയല്പക്കത്തെ വീട്ടിലെ പശുവിന്റെ കണ്ണിനും കടിയേറ്റു.ആക്രമണം നടത്തിയ പട്ടിയെ പിന്നീട് വൈരാണിക്കടുത്തു വെച്ച് നാട്ടുകാർ തല്ലിക്കൊന്നു.
