മുംബൈ:രാജ്യത്തെ ജനപ്രിയ ഇരുചക്ര വാഹനങ്ങളിലൊന്നായ ഹോണ്ട പുതിയ ആക്ടിവയുമായി എത്തിയിരിക്കുന്നു.രണ്ടു പുതിയ നിറങ്ങളും പുതിയ ഹെഡ്‍ലാംപ് ക്ലസ്റ്ററുമായാണ് ആക്ടിവ 5G എത്തിയിരിക്കുന്നത്.ഡാസിൽ യെലോ മെറ്റാലിക്ക്,പേൾ സ്പാർട്ടൻ റെഡ് എന്നീ പുതിയ നിറത്തോടൊപ്പം പഴയ തലമുറയിൽ നിന്നുള്ള ഏഴു നിറങ്ങളിൽ കൂടി ഹോണ്ട ആക്ടിവ 5G ലഭ്യമാകും.സീറ്റ് റിലീസ് ബട്ടനോടെയുള്ള ഫോർ ഇൻ വൺ ലോക്കാണ് പുതിയ ആക്ടിവ 5G യിലുള്ളത്.ഇതിനു പുറമെ മൈലേജ് വർധിപ്പിക്കാൻ എക്കോ ഇൻഡികേറ്ററും പുതിയ ആക്ടിവ 5G യിൽ ഉൾപ്പെടുത്തിയിട്ടുണ്ട്.5.3 ലിറ്ററാണ് സ്കൂട്ടറിന്റെ ഇന്ധനശേഷി.ഹോണ്ടയുടെ കോമ്പി ബ്രേക്കിംഗ് സംവിധാനത്തിലാണ് പുതിയ ആക്ടിവ 5G ഒരുക്കിയിരിക്കുന്നത്.സർവീസ് കാലാവധി എത്തുമ്പോൾ ഇൻസ്ട്രുമെന്റ് കൺസോൾ തന്നെ റൈഡർക്ക് മുന്നറിയിപ്പ് നൽകുന്ന സംവിധാനവും 5G യിൽ ഒരുക്കിയിട്ടുണ്ട്.
