Full Grid

കണ്ണൂർ: ശുഹൈബ് വധവുമായി ബന്ധപ്പെട്ട് അറസ്റ്റിലായ പ്രതികളുടെ തിരിച്ചറിയൽ പരേഡ് ഉച്ചയ്ക്ക് ശേഷം നടക്കും. കേസിൽ അറസ്റ്റിലായ ആകാശ് തില്ലങ്കേരി, റിജിൻരാജ് എന്നിവർ റിമാൻഡിൽ കഴിയുന്ന കണ്ണൂർ സ്പെഷൽ സബ് ജയിലിലാണ് പരേഡ് നടക്കുക. ശുഹൈബിനൊപ്പം വെട്ടേറ്റ കോൺഗ്രസ് പ്രവർത്തകരായ നൗഷാദ്, റിയാസ് എന്നിവരാണ് പ്രതികളെ തിരിച്ചറിയേണ്ടത്.ശുഹൈബിനെ വെട്ടിയ സംഘത്തിൽ ആകാശ് തില്ലങ്കേരി ഇല്ലെന്ന് പരിക്കേറ്റവർ പറഞ്ഞിരുന്നു. ഇതോടെ ഇന്ന് നടക്കുന്ന പ്രതികളുടെ തിരിച്ചറിയൽ പരേഡ് നിർണായകമാണ്. ആകാശ് തില്ലങ്കേരിയേയും റിജിൻ രാജിനെയും തിരിച്ചറിയുകയും അക്രമി സംഘത്തിൽ ഇരുവരും ഉണ്ടായിരുന്നുവെന്ന് ദൃക്സാക്ഷികളായ നൗഷാദും റിയാസും മൊഴി നൽകിയാൽ അറസ്റ്റിലായവർ ഡമ്മി പ്രതികളാണെന്നും യഥാർഥ പ്രതികളെ പിടികൂടണമെന്നും ആവശ്യപ്പെട്ട് കെ.സുധാകരൻ നടത്തുന്ന സമരത്തിന്‍റെ വീര്യം കുറയും.ആകാശിനെയും റിജിൻ രാജിനെയും ദൃക്സാക്ഷികൾ തിരിച്ചറിയുന്നില്ലെങ്കിൽ കേസ് ദുർബലമാവുകയും പോലീസ് കുറ്റപത്രം സമർപ്പിച്ചാലും വിചാരണ വേളയിൽ പ്രതികൾക്ക് രക്ഷപ്പെടാനുള്ള വഴിതുറക്കുന്ന നടപടിയായി അത് മാറുകയും ചെയ്യും.

കണ്ണൂർ:എടയന്നൂരിലെ യൂത്ത് കോൺഗ്രസ് പ്രവർത്തകൻ ശുഹൈബിനെ അക്രമിക്കുന്നതിനായി മൂന്നു വാളുകൾ കൊണ്ടുവന്നതായി സൂചന.വീരാജ്പേട്ടയിലും കുടകിലും മറ്റും മുളകൾ വെട്ടാൻ ഉപയോഗിക്കുന്ന വാളാണിതെന്നാണ് പോലീസ് പറയുന്നത്.എന്നാൽ ഈ ആയുധങ്ങളും കൊലയാളികൾ സഞ്ചരിച്ച വാഹനങ്ങളൂം ഇതുവരെ കണ്ടെത്താൻ പോലീസിനായിട്ടില്ല.ഇതിൽ ദുരൂഹത ഉള്ളതായി ആരോപണമുണ്ട്.പ്രതികൾ സഞ്ചരിച്ച രണ്ടു വാഹനങ്ങൾ തളിപ്പറമ്പിൽ നിന്നും പിടിച്ചെടുത്തതായി സൂചനയുണ്ടെങ്കിലും സ്ഥിതീകരിച്ചിട്ടില്ല.മാത്രമല്ല ആകാശിന്റെയും രജിൻ രാജിന്റെയും കൂടെയുണ്ടായിരുന്ന മറ്റു മൂന്നു പ്രതികളെയും ഇനിയും കണ്ടെത്തിയിട്ടില്ല.ഇതിൽ ഒരാൾ വാഹനത്തിന്റെ ഡ്രൈവറാണ്.ആക്രമണം ആസൂത്രണം ചെയ്തവരെയും നിരീക്ഷിച്ചു വരികയാണ്. അഞ്ചുപേരാണ് വാഹനത്തിൽ ഉണ്ടായിരുന്നത്.ഇതിൽ ഡ്രൈവർ വാഹനത്തിൽ തന്നെയിരുന്നു.എടയന്നൂരിലെ ഒരു ഡിവൈഎഫ്ഐ പ്രവർത്തകനാണ് ശുഹൈബിന്റെ കുറിച്ചുള്ള സൂചന നൽകിയത്. ഷുഹൈബ് രാത്രിൽ എന്നും എടയന്നൂരിലെ തട്ടുകടയിൽ എത്തുന്നത് അവർ നിരീക്ഷിച്ചു. ഷുഹൈബ് തട്ടുകടയിൽ എത്തിയതായി ഇവർ കുറച്ചകലെ കാത്തു നിൽക്കുകയായിരുന്ന പ്രതികൾക്ക് വിവരം നൽകി.ശുഹൈബിനെ ആക്രമിച്ച ശേഷം ഇവർ സഞ്ചരിച്ച വാഹനം മട്ടന്നൂർ ഭാഗത്തേക്കാണ് പോയത്.പിന്നീട് ഇവർ രണ്ടു വാഹനങ്ങളിലായി തിരിഞ്ഞതായും പോലീസ് സംശയിക്കുന്നു.നേരത്തെ ശുഹൈബിന്റെ നാളുകൾ എണ്ണപ്പെട്ടതായി മുദ്രാവാക്യം മുഴക്കി എടയന്നൂർ ടൗണിൽ ചിലർ പ്രകടനം നടത്തിയിരുന്നു. ഗൂഢാലോചനയിൽ പങ്കെടുത്ത ചിലർ ആ പ്രകടനത്തിൽ ഉണ്ടായിരുന്നുവെന്നും പൊലീസിന് സൂചന ലഭിച്ചിട്ടുണ്ട്.

കണ്ണൂർ:യൂത്ത് കോൺഗ്രസ് പ്രവർത്തകൻ ആകാശിനെ വെട്ടിക്കൊലപ്പെടുത്തിയ കേസിൽ അറസ്റ്റിലായ ആകാശ് നിരപരാധിയാന്നെന്നു പിതാവ് രവി മാധ്യമങ്ങളോട് പറഞ്ഞു. കൊലപാതകം നടക്കുമ്പോൾ ഇരുവരും ക്ഷേത്രത്തിലായിരുന്നുവെന്നും  മറ്റൊരു കേസുമായി ബന്ധപ്പെട്ട് പോലീസ് വിളിച്ചതനുസരിച്ച് സ്റ്റേഷനിലേക്ക് പോകും വഴിയാണ് ഇരുവരെയും അറസ്റ്റ് ചെയ്തതെന്നും അല്ലാതെ ഇവരെ ഓടിച്ചിട്ട് പിടികൂടിയതല്ലെന്നും പിതാവ് വ്യക്തമാക്കി. സംഭവത്തിന് പിന്നാലെ പാർട്ടിയെ സമീപിച്ചു.കോടതിയിൽ പോയി നിരപരാധിത്വം തെളിയിക്കാനാണ് പാർട്ടി പറഞ്ഞത്.ആകാശ് ഒളിവിൽ പോയത് ഈ കേസുമായി ബന്ധപ്പെട്ടല്ലെന്നും മറിച്ച് വീടിനു സമീപത്തു നിന്നും ബോംബുകൾ കണ്ടെടുത്തിരുന്നു.ഇതിനു പിന്നിൽ ആകാശ് ആണെന്ന് ബിജെപി പ്രചരിപ്പിച്ചു.ഇതിനെ തുടർന്നാണ് ഒളിവിൽ പോയതെന്നും പിതാവ് വ്യക്തമാക്കി.