തിരുവനന്തപുരം: പെട്രോള്‍, ഡീസല്‍ വിലയില്‍ ഇന്നും വര്‍ധനവ്. പെട്രോളിന് 32 പൈസയും ഡീസലിന് 26 പൈസയും കൂട്ടി. തിരുവനന്തപുരത്ത് പെട്രോളിന് 84.62 രൂപയാണ് വില. ഡീസലിന് 78.47 രൂപയും. കൊച്ചിയില്‍ പെട്രോളിന് 84.61 രൂപയാണ്, ഡീസലിന് 78.47 രൂപ. കോഴിക്കോട് പെട്രോളിന് 84.33 രൂപയും, ഡീസലിന് 78.16 രൂപയുമായി വര്‍ധിച്ചു.വിലവര്‍ധന തുടരുമ്ബോഴും നികുതി കുറച്ച്‌ ജനങ്ങളുടെ ഭാരം കുറക്കാന്‍ കേന്ദ്രവും സംസ്ഥാന സര്‍ക്കാരും തയ്യാറായിട്ടില്ല.കഴിഞ്ഞ ഒരു മാസത്തെ അധിക നികുതി വരുമാനം വേണ്ടെന്ന് വച്ചാല്‍ തന്നെ ലിറ്ററിന് രണ്ട് രൂപയില്‍ കൂടുതല്‍ വില കുറയും. ഏതാനും സംസ്ഥാനങ്ങള്‍ ഈ നിലയ്ക്ക് വില കുറച്ചിരുന്നു.