തിരുവനന്തപുരം: ഓണത്തിന് എല്ലാ റേഷന്‍ കാര്‍ഡുടമകള്‍ക്കും സൗജന്യ പലവ്യഞ്ജന കിറ്റുകള്‍ വിതരണം ചെയ്യുമെന്ന് മുഖ്യമന്ത്രി പിണറായി വിജയന്‍ വാര്‍ത്താസമ്മേളനത്തില്‍ പറഞ്ഞു.പലവ്യഞ്ജനകിറ്റുകളുടെ വിതരണം ഓഗസ്റ്റ് അവസാനവാരം തുടങ്ങും. 11 ഇനങ്ങളാണ് കിറ്റിലുണ്ടാകുക.പഞ്ചസാര ഒരു കിലോഗ്രാം, ചെറുപയര്‍/ വന്‍പയര്‍ 500 ഗ്രാം, ശര്‍ക്കര ഒരു കിലോ, മുളകുപൊടി, മല്ലിപ്പൊടി, മഞ്ഞള്‍പ്പൊടി, സാമ്പാർ പൊടി എന്നിവ 100 ഗ്രാം വീതം, വെളിച്ചെണ്ണ 500 മില്ലി ലീറ്റര്‍/ സൂര്യകാന്തി എണ്ണ 1 ലീറ്റര്‍, പപ്പടം ഒരു പായ്ക്കറ്റ് (12 എണ്ണം), സേമിയ/ പാലട ഒരു പായ്ക്കറ്റ്, ഗോതമ്ബ് നുറുക്ക് ഒരു കിലോഗ്രാം എന്നിങ്ങനെ 11 ഇനങ്ങളാണ് കിറ്റിലുണ്ടാവുക.. മുന്‍ഗണനേതരവിഭാഗങ്ങള്‍ക്ക് ഓഗസ്റ്റില്‍ 15 രൂപ നിരക്കില്‍ 10 കിലോ അരിയും നല്‍കും.കിറ്റുകള്‍ തയാറാക്കാന്‍ സാധനങ്ങള്‍ സംഭരിക്കുന്നതും അവ സൂക്ഷിക്കാന്‍ കൂടുതല്‍ മുറികള്‍ വാടകയ്ക്ക് എടുക്കുന്നതും ഉള്‍പ്പെടെയുള്ള നടപടികള്‍ സപ്ലൈകോ ആരംഭിച്ചു.