ന്യൂഡൽഹി:സൗഭാഗ്യ പദ്ധതിയനുസരിച്ച് ദാരിദ്ര്യ രേഖയ്ക്ക് താഴെയുള്ളവർക്ക് സൗജന്യ വൈദ്യുതി കണക്‌ഷൻ നൽകുമെന്ന് പ്രധാനമന്ത്രി നരേന്ദ്ര മോഡി അറിയിച്ചു.2011 ലെ സെൻസസ് അടിസ്ഥാനമാക്കിയായിരിക്കും പാവങ്ങളെ നിശ്ചയിക്കുക.2018 ഡിസംബർ 31 നു മുൻപ് രാജ്യത്തെ എല്ലാ വീടുകളും വൈദ്യുതീകരിക്കണമെന്നും സംസ്ഥാനങ്ങൾക്കും കേന്ദ്രഭരണ പ്രദേശങ്ങൾക്കും നിർദേശം നൽകിയിട്ടുണ്ട്.2011 ലെ സെൻസസ് കണക്കിൽ പെടാത്തവർക്കും ഈ പദ്ധതിയുടെ ആനുകൂല്യം ലഭിക്കും.ഇവർ വൈദ്യുതി കണക്ഷനായി 500 രൂപ നല്കണം.ഈ തുക പത്തുതവണയായി വൈദ്യുതി ബില്ലിലൂടെ ഈടാക്കും.ന്യൂഡൽഹിയിലെ വസന്ത് കുഞ്ചിൽ ഒഎൻജിസിയുടെ പുതിയ ദീൻദയാൽ ഊർജ ഭവൻ ഇന്നലെ രാത്രി ഉദ്ഘാടനം നിർവഹിക്കുകയായിരുന്നു പ്രധാനമന്ത്രി.