ഗുരുവായൂർ:പലരും പ്രായമാകുന്ന അമ്മമാരെ ഗുരുവായൂരിലെത്തിച്ചു നടതള്ളാറുണ്ട്.ഇങ്ങനെ ഉപേക്ഷിക്കപ്പെടുന്ന അമ്മമാർക്ക് ഇനി രാപ്പകൽ നടപന്തലിൽ കഴിഞ്ഞുകൂടേണ്ട അവസ്ഥ മാറുന്നു.ഇവർക്കായി ഗുരുവായൂരിൽ സൗജന്യമായി താമസിക്കാൻ വീടൊരുങ്ങി ‘കുറൂരമ്മ ഭവനം’.താമസം മാത്രമല്ല ക്ഷേത്ര ദർശനം നടത്താനും ഭക്ഷണം കഴിക്കാനുമുള്ള സൗകര്യം ഇവിടെയുണ്ട്.ദേവസ്വം ഒരുക്കിയ ഈ ഭവനം ദേവസ്വം മന്ത്രി ഭക്തർക്ക് സമർപ്പിച്ചു.ഇപ്പോൾ ഇരുപത് പേർക്ക് താമസിക്കാനാണ് സൗകര്യം.ഒരാൾക്ക് മൂന്ന് ദിവസം വരെ കഴിയാം. ഇവിടെ നിന്ന് ക്ഷേത്ര ദർശനത്തിന് പോകാൻ വാഹനം എർപ്പെടുത്തും. ഭക്ഷണവും തയാറാക്കി നൽകും.നൂറ് പേർക്ക് താമസിക്കാവുന്ന വീടായി ഇത് വിപുലപ്പെടുത്താനുള്ള നിർമാണവും ആരംഭിച്ചു. …