കൽപ്പറ്റ:വയനാട് ബാണാസുര സാഗർ അണക്കെട്ടിൽ നാലു പേരെ കാണാതായി.കൊട്ടത്തോണിയിൽ മീൻ പിടിക്കാൻ പോയ ഏഴു പേരാണ് അപകടത്തിൽ പെട്ടത്.ഇതിൽ മൂന്നു പേരെ നാട്ടുകാർ രക്ഷപ്പെടുത്തി.തുഷാരഗിരി സ്വദേശികളായ സച്ചിൻ,ബിനു,മെൽവിൻ,വിൽസൺ എന്നിവരെയാണ് കാണാതായത്.ഇന്നലെ രാത്രി 11.45 ഓടെ ആണ് ഇവർ റിസർവോയറിൽ മീൻപിടിക്കാൻ ഇറങ്ങിയത്.രണ്ടു തോണികളിലായാണ് ഇവർ ഇറങ്ങിയത്.തോണികൾ തമ്മിൽ കൂട്ടികെട്ടിയിരുന്നു.മൂന്നുപേർ കരയ്ക്കു നീന്തി കയറിയെങ്കിലും മറ്റുള്ളവരെ രക്ഷിക്കാനായില്ല.കാണാതായവർക്കു വേണ്ടി വനം വകുപ്പും ഫയർഫോഴ്സും തിരച്ചിൽ തുടരുകയാണ്.