ചാല:ചാലയിൽ തെരുവുനായയുടെ കടിയേറ്റ് നാലുപേർക്ക് പരിക്കേറ്റു.ഇന്നലെ രാവിലെ ആറര മണിയോടുകൂടിയാണ് മൂന്നുപേർക്ക് തെരുവുനായയുടെ കടിയേറ്റത്.കണ്ണൂർ കൺട്രോൾ റൂം എഎസ്ഐ ദ്വാരകയിൽ സുരേഷ് ബാബു(40),പൊയിൽ അഹമ്മദ് കുട്ടി(39),മനയത്ത് മൂലയിലെ കെ.സി ചന്ദ്രൻ എന്നിവർക്കാണ് കടിയേറ്റത്.പ്രഭാത സവാരിക്കിടെയാണ് സുരേഷ് ബാബുവിന് കടിയേറ്റത്.പിറകിലൂടെ വന്ന നായ കാലിനു കടിക്കുകയായിരുന്നു.പന്ത്രണ്ട് കണ്ടിയിലെ താഹ-ശബാന ദമ്പതികളുടെ മകൾ ആമിനയ്ക്കും(3)വൈകുന്നേരത്തോടെ നായയുടെ കടിയേറ്റു.വീടിനടുത്ത് കളിച്ചുകൊണ്ടിരിക്കെ നായ കൈക്ക് കടിക്കുകയായിരുന്നു. ഈ പ്രദേശത്ത് തെരുവുനായ ശല്യം രൂക്ഷമാണ്.ആളുകളെ ആക്രമിച്ചത് പേപ്പട്ടിയാണോ എന്ന സംശയമുണ്ട്.കഴിഞ്ഞ ദിവസം കടമ്പൂരിലും രണ്ടുകുട്ടികൾക്ക് നായയുടെ കടിയേറ്റിരുന്നു.