കോയമ്പത്തൂർ:കോയമ്പത്തൂർ ഇരിക്കൂറിൽ നാല് വിദ്യാര്‍ഥികൾ ട്രെയിൻ തട്ടി മരിച്ചു. സുളൂരിലെ സ്വകാര്യ എഞ്ചിനീയറിങ് കോളജിലെ വിദ്യാര്‍ഥികളാണ് മരിച്ചത്.ഒരാളെ ഗുരുതര പരിക്കുകളോടെ ട്രാക്കില്‍ കണ്ടെത്തി.തമിഴ്നാട് സ്വദേശികളായ രാജ, രാജശേഖർ, ഗൗതം, കറുപ്പു സ്വാമി എന്നിവരാണ് മരിച്ചത്.പരിക്കേറ്റ വിശ്വേശ്വരൻ എന്ന വിദ്യാര്‍ഥിയെ കോയമ്പത്തൂർ ജില്ലാ ആശുപത്രിയിൽ പ്രവേശിപ്പിച്ചു.ഇന്നലെ അർധരാത്രിയോടെയാണ് അപകടം. റെയിൽവെ ട്രാക്കിൽ ഇരിക്കുകയായിരുന്ന വിദ്യാര്‍ഥികളാണ് അപകടത്തിൽ പെട്ടത്.ചെന്നൈ – ആലപ്പുഴ എക്സ്പ്രസ് ഇടിച്ചാണ് അപകടം.സംഭവത്തെക്കുറിച്ച്‌ പോത്തന്നൂര്‍ റെയില്‍വേ പോലീസ് അന്വേഷണം ആരംഭിച്ചിട്ടുണ്ട്.