മലപ്പുറം: മലപ്പുറത്ത് ഓട്ടോ 40 അടി താഴ്ചയിലേക്ക് മറിഞ്ഞ് ഒരു കുടുംബത്തിലെ മൂന്നുപേരടക്കം നാലുപേർ മരിച്ചു.മൂന്നുപേർക്ക് പേർക്ക് പരിക്കേറ്റു. ഓട്ടോ ഡ്രൈവർ ചണ്ടിയൻമൂച്ചി അസൻ കൂട്ടി, ചേപ്പൂർ കുരിമണ്ണിൽ പൂവജത്തിക്കൽ ഖൈറുന്നീസ (46), സഹോദരൻ ഉസ്മാൻ (36), ഭാര്യ സുലൈഖ (33) എന്നിവരാണ് മരിച്ചത്.ഉച്ചയോടെ വള്ളിക്കാപ്പറ്റയിലായിരുന്നു സംഭവം.ചെറിയ റോഡിലൂടെ പോകുന്നതിനിടെ ഓട്ടോറിക്ഷ കല്ലിൽ തട്ടി മറിയുകയായിരുന്നു. ഖൈറുന്നിസയുടെ മറ്റൊരു സഹോദരന്റെ വീട്ടിലേക്ക് പോവുകയായിരുന്നു ഇവർ. ഉസ്മാന്റെയും സഹോദരിയുടെയും 3 കുട്ടികൾക്കാണ് പരിക്കേറ്റത്.ഇതിൽ ഒരു കുട്ടിയുടെ നില അതീവ ഗുരുതരമാണ്. ഈ കുട്ടിയെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്.