കണ്ണൂർ:ഇരിക്കൂർ ഊരത്തൂർ പബ്ലിക് ഹെൽത്ത് സെന്ററിന് സമീപത്തു നിന്നും മനുഷ്യന്റെ തലയോട്ടി കണ്ടെത്തി.നായ്ക്കൾ തലയോട്ടി കടിച്ചെടുത്തു പോകുന്നത് കണ്ട നാട്ടുകാർ പോലീസിൽ വിവരമറിയിക്കുകയായിരുന്നു.ഇരിക്കൂർ പോലീസും കണ്ണൂരിൽ നിന്നും ഡോഗ് സ്ക്വാർഡും ഫോറൻസിക് വിദഗ്ദ്ധരും സ്ഥലത്തെത്തി പരിശോധന നടത്തി. തലയോട്ടിയിൽനിന്നും നേരിയ തോതിൽ ദുർഗന്ധം വമിക്കുന്നതിനാൽ ഇതിനു കാര്യമായ കാലപ്പഴക്കം ഇല്ലെന്നാണ് പോലീസിന്റെ കണക്കുകൂട്ടൽ.പോലീസ് നായ മണം പിടിച്ച് ആ പരിസരത്ത് ഓടിയെങ്കിലും ഒന്നും കണ്ടെത്താനായില്ല.പോലീസ് അന്വേഷണം ആരംഭിച്ചിട്ടുണ്ട്.