യു.പി:മുന്‍ ഐഎഎസ് ഉദ്യോഗസ്ഥന്‍ കണ്ണന്‍ ഗോപിനാഥനെ ഉത്തര്‍പ്രദേശ് പോലീസ് കസ്റ്റഡിയിലെടുത്തു. പൗരത്വ പ്രക്ഷോഭവുമായി ബന്ധപ്പെട്ട യാത്രക്കിടെയാണ് കണ്ണന്‍ ഗോപിനാഥനെ പോലീസ് കസ്റ്റഡിയിലെടുത്തത്.നേരത്തെ മുംബൈ പോലീസും കണ്ണന്‍ ഗോപിനാഥനെ കസ്റ്റഡിയിലെടുത്തിരുന്നു. ട്വിറ്റര്‍ വഴി കണ്ണന്‍ ഗോപിനാഥന്‍ തന്നെയാണ് വിവരം പുറത്തുവിട്ടത്. പോലീസ് വളരെ മര്യാദയോടെയാണ് പ്രവര്‍ത്തിക്കുന്നതെന്നും മുകളില്‍ നിന്നുള്ള ഉത്തരവ് അനുസരിക്കുക മാത്രമാണ് ചെയ്യുന്നതെന്ന് അവര്‍ പറഞ്ഞതായും കണ്ണന്‍ ഗോപിനാഥന്‍ ട്വീറ്റ് ചെയ്തു.പൗരത്വ ഭേദഗതി നിയമത്തിനെതിരെ രാജ്യ വ്യാപകമായി പ്രതിഷേധങ്ങള്‍ നടക്കുകയാണ്. കേന്ദ്രത്തിന്റെ നിലപാടുകള്‍ക്കെതിരെ തന്റെ പദവി പോലും നോക്കാതെ ആഞ്ഞടിച്ച വ്യക്തിയാണ് കണ്ണന്‍ ഗോപിനാഥന്‍.