കണ്ണൂര്‍: കണ്ണൂരില്‍ അനധികൃതമായി വില്‍പ്പനയ്ക്ക് ശ്രമിച്ച 18 ലിറ്ററോളം വിദേശ മദ്യവും 15 കുപ്പി ബിയറും പിടികൂടി.മാഹിയില്‍ നിന്നും വാങ്ങി കണ്ണൂരിലെത്തിച്ച്‌ വില്‍ക്കാനായിരുന്നു ശ്രമം. മദ്യം കടത്താന്‍ ശ്രമിച്ച ഓട്ടോറിക്ഷയും കസ്റ്റഡിയിലെടുത്തു.സംഭവത്തില്‍ കൂത്തുപറമ്പ് ചെണ്ടയാട് സ്വദേശി ജിന്‍സില്‍ ലാലിനെ എക്‌സൈസ് സംഘം അറസ്റ്റ് ചെയ്തു. ചെണ്ടയാട് ചെങ്കല്‍ മേഖലയില്‍ ജോലി ചെയ്യുന്ന ഇതരസംസ്ഥാന തൊഴിലാളികള്‍ക്കാണ് മദ്യം കൊണ്ടുവന്നതെന്ന് ജിന്‍സിന്‍ മൊഴി നല്‍കി.