കണ്ണൂർ സിറ്റി: മരക്കാർകണ്ടിയിൽ ലോറിത്തൊഴിലാളികൾ തമ്മിലുണ്ടായ കയ്യേറ്റം അന്വേഷിക്കാനെത്തിയ പൊലീസ് ലോറിയുടെ കാബിനിൽ നിന്ന് 57 കുപ്പി വിദേശമദ്യവും നിരോധിത പാൻ ഉൽപന്നങ്ങളും പിടിച്ചെടുത്തു. തമിഴ്നാട് രാമനാഥപുരം സ്വദേശികളായ ഡ്രൈവർ നാഗേന്ദ്രൻ (42), ക്ലീനർ സിന്ധ (27) എന്നിവരെ അറസ്റ്റ് ചെയ്തു.ചരക്കുകയറ്റാനെത്തിയ ഇരുവരും തമ്മിൽ മദ്യത്തെ ചൊല്ലി വാക്കേറ്റമുണ്ടായതിനെ തുടർന്നു നാട്ടുകാർ പൊലീസിൽ വിവരമറിയിക്കുകയായിരുന്നു.