ന്യൂഡൽഹി:ഡൽഹിയിൽ നിന്നും മുംബൈയിലേക്ക് പോയ തേജസ്സ് എക്സ്പ്രസിലെ യാത്രക്കാർക്ക് ഭക്ഷ്യ വിഷബാധയേറ്റു.ഇതിനെ തുടർന്ന് 24 പേരെ ആശുപത്രിയിൽ പ്രവേശിപ്പിച്ചു.ഇന്ന് രാവിലെ നൽകിയ പ്രാതൽ കഴിച്ച യാത്രക്കാർക്കാണ് വിഷബാധയേറ്റത്‌.ഭക്ഷണം കഴിച്ച യാത്രക്കാർക്ക് ക്ഷീണവും ശരീര വേദനയും അനുഭവപ്പെട്ടതോടെയാണ് സംഭവം ഭക്ഷ്യവിഷബാധയാണെന്നു മനസ്സിലായത്.ഇതേ തുടർന്ന് ട്രെയിൻ ചിപ്ലൂൻ സ്റ്റേഷനിൽ നിർത്തിയിട്ടു.തുടർന്ന് യാത്രക്കാരെ രത്നഗിരി ജില്ലയിലെ ലൈഫ് കെയർ ആശുപത്രിയിൽ പ്രവേശിപ്പിച്ചു.സംഭവത്തിൽ റെയിൽവേ അന്വേഷണം ആരംഭിച്ചു.ഇതിനായി ഭക്ഷണത്തിന്റെ സാമ്പിൾ ശേഖരിച്ചു.