പഴയങ്ങാടി: പഴയങ്ങാടി മേഖലയിൽ വർധിച്ചു വരുന്ന കഞ്ചാവ് കേസുകൾക്കു പിന്നാലെ ലഹരി ഗുളികകളുമായി അഞ്ചു പേരെ പഴയങ്ങാടി എസ്ഐ പി.ബി.സജീവും സംഘവും പിടികൂടി. ഇവരുടെ പക്കൽ നിന്നും പോക് സിമോൺ പ്രസ്, സ്പാ സ്മോ തുടങ്ങിയ ലഹരി ഗുളികകളാണ് മാടായിപ്പാറയിൽ വച്ച് ഉപയോഗിക്കുന്നതിനിടെ പിടികൂടിയത്.അടുത്തിലയിലെ തട്ടുപറമ്പത്ത് മനു (26), എം.ജമീൻ (31) എരിപുരം, അടുത്തിലയിലെ ഹാഷിം (31), പഴയങ്ങാടിയിലെ മുഹമ്മദ് അസ്‌ലം (32), കണ്ണൂർ താണസ്വദേശി എ.ടി.ഷമീൻ (33) എന്നിവരാണ് അറസ്റ്റിലായത്.ഇവരെ പിന്നീട് ജാമ്യത്തിൽ വിട്ടു.കണ്ണൂർ സ്വദേശിയാണ് ഇത്തരം ലഹരി ഗുളികൾ പഴയങ്ങാടിയിലെ പല കേന്ദ്രങ്ങളിലുമെത്തിച്ച് വിൽപ്പന നടത്തുന്നതെന്ന് പോലീസ് പറഞ്ഞു. മംഗളൂരുവിൽ നിന്നാണ് ഇത്തരം ലഹരി ഗുളികകൾ പ്രദേശങ്ങളിലെത്തുന്നത്. കോളകൾ പോലുള്ള ലായനിയിൽ ചേർത്താണ് ഇവ ഉപയോഗിക്കുന്നത്.