തിരുവനന്തപുരം:ഏപ്രിൽ ഒന്ന് മുതൽ സർക്കാർ സേവനങ്ങൾക്ക് ഫീസ് അഞ്ചു ശതമാനം കൂടും. സംസ്ഥാന ധനകാര്യ വകുപ്പാണ് ഇത് സംബന്ധിച്ച ഉത്തരവ് പുറപ്പെടുവിച്ചത്. സർക്കാരിന്റെ സമഗ്ര പശ്ചാത്തല വികസനത്തിന്റെ ഭാഗമായാണ് ഫീസ് വർധിപ്പിച്ചതെന്ന് ഉത്തരവിൽ പറയുന്നു.ഇതോടെ വിവിധ സർക്കാർ വകുപ്പുകൾ,പൊതുമേഖലാ സ്ഥാപനങ്ങൾ, ഗ്രാൻഡ് ഇൻ എയ്‌ഡ്‌ സ്ഥാപനങ്ങൾ എന്നിവിടങ്ങളിൽ നിന്നും പൊതുജനങ്ങൾക്ക് നൽകുന്ന വിവിധ സേവനങ്ങൾക്ക് അഞ്ചു ശതമാനം അധിക ഫീസ് ഈടാക്കും.സാമ്പത്തിക സുസ്ഥിരത, അധിക വിഭവ സമാഹരണം എന്നിവയും ഈ വർദ്ധനവിലൂടെ ലക്ഷ്യമിടുന്നു.