ഗാന്ധിനഗര്‍: ഗുജറാത്തിലെ വഡോദരയില്‍ മെഡിക്കൽ ഗ്യാസ് പ്ലാന്റിൽ നടന്ന സ്‌ഫോടനത്തില്‍ 5 തൊഴിലാളികള്‍ മരിച്ചു.10 പേര്‍ക്ക് പരിക്കേറ്റു. പരിക്കേറ്റവരെ ആശുപത്രിയില്‍ പ്രവേശിപ്പിച്ചു.എ എം എസ് ഓക്സിജന് ഫാക്ടറിയിലാണ് രാവിലെ 11 മണിയോടെ സ്‌ഫോടനമുണ്ടായത്. വാതകപൈപ്പ് ലൈനിലുണ്ടായ ചോര്‍ച്ചയാണ് അപകടമുണ്ടാക്കിയതെന്നാണ് പ്രാഥമിക വിലയിരുത്തല്‍.ഓക്സിജന്, നൈട്രജന്‍, ആര്‍ഗോണ്‍ തുടങ്ങിയ മെഡിക്കല്‍ ഗ്രേഡ് ഗ്യാസുകളെല്ലാം കമ്പനിയിൽ നിര്‍മ്മിച്ചിരുന്നു തീയണയ്ക്കാനുള്ള സംവിധാനങ്ങള്‍ ഫാക്ടറിയില്‍ പ്രവര്‍ത്തനക്ഷമമല്ലായിരുന്നെന്ന് രക്ഷപ്പെട്ട തൊഴിലാളികള്‍ പൊലീസിനോട് പറഞ്ഞു.സ്‌ഫോടനത്തിന്റെ കാരണം വ്യക്തമല്ല.