രാജസ്ഥാൻ:കളിക്കുന്നതിനിടെ ധാന്യശേഖര സംഭരണിക്കുള്ളില്‍ കുടുങ്ങി അഞ്ച് കുട്ടികള്‍ക്ക് ദാരുണാന്ത്യം.ബിക്കാനീറിലെ ഹിമ്മതസാര്‍ ഗ്രാമത്തിലാണ് സംഭവം. സേവരാം (4), രവിന (7), രാധ (5), പൂനം (8), മാലി എന്നീ കുട്ടികളാണ് മരിച്ചത്. ശ്യൂന്യമായി കിടന്നിരുന്ന വലിയ ധാന്യശേഖര സംഭരണിയില്‍ കുട്ടികള്‍ കളിച്ചുകൊണ്ടിരിക്കുന്നതിനിടെ ആകസ്മികമായി ഇതിന്‍റെ വാതില്‍ അടയുകയായിരുന്നു. കുട്ടികളെ വീട്ടില്‍ കാണാത്തതിനെ തുടര്‍ന്ന് അമ്മ നടത്തിയ അന്വേഷണത്തിലാണ് ധാന്യശേഖര സംഭരണിക്കുള്ളില്‍ കുട്ടികള്‍ കുടുങ്ങിക്കിടക്കുന്നതായി കണ്ടെത്തിയത്. ഉടന്‍ തന്നെ ഇവരെ ആശുപ്രത്രിയില്‍ എത്തിച്ചെങ്കിലും മരണം സംഭവിച്ചിരുന്നു.