കൊച്ചി:ഫോർട്ട് കൊച്ചിക്കു സമീപം കപ്പൽ ചാലിൽ മൽസ്യബന്ധന ബോട്ട് മുങ്ങി.നീതിമാൻ എന്ന ബോട്ട് ആണ് മുങ്ങിയത്.ബോട്ടിലുണ്ടായിരുന്ന ആറു തൊഴിലാളികളെയും രക്ഷപ്പെടുത്തി. സമീപത്തുണ്ടായിരുന്ന മറ്റു ബോട്ടുകളിലെ തൊഴിലാളികളാണ് രക്ഷപ്പെടുത്തിയത്.എൻജിൻ തകരാറിനെ തുടർന്ന് ബോട്ട് കടലിൽ അകപ്പെടുകയായിരുന്നു.മറ്റു ബോട്ട് ഉപയോഗിച്ച് ഈ ബോട്ടിനെ കരക്കെത്തിക്കാൻ ശ്രമിക്കുന്നതിനിടെ ബോട്ട് കപ്പൽ ചാലിൽ മുങ്ങുകയായിരുന്നു. ഇതോടെ ഇതിലൂടെയുള്ള കപ്പൽ ഗതാഗതം തടസ്സപ്പെട്ടിരിക്കുകയാണ്. ദിവസേന ചരക്കു കപ്പൽ ഉൾപ്പെടെ നിരവധി കപ്പലുകൾ കടന്നു പോകുന്ന ഒരു മാർഗമാണിത്.