പുതിയതെരു:കീരിയാട് പ്ലൈവുഡ് ഫാക്ടറിയിൽ തീപ്പിടിത്തം.കെ.എസ്. സത്താർ ഹാജിയുടെ ഉടമസ്ഥതയിലുള്ള കീരിയാട് സെഞ്ച്വറി പ്ലൈവുഡിലാണ് ഇന്നലെ വൈകുന്നേരം നാലു മണിയോടെ തീപിടിത്തമുണ്ടായത്.തീപിടിത്തത്തിൽ ബ്ലോക്ക് ബോർഡ് ഡ്രൈയിംഗ് ചേംബർ പൂർണമായും കത്തിനശിച്ചു.ചേംബറിൽ നിന്നും പുക ഉയരുന്നതു കണ്ട തൊഴിലാളികൾ ഓടി രക്ഷപ്പെട്ടതിനാൽ ആളപായമില്ല.കണ്ണൂരിൽ നിന്നും രണ്ടു യൂണിറ്റ് അഗ്നിശമനസേനാംഗങ്ങൾ ഒന്നര മണിക്കൂർ പാടുപെട്ടാണു തീയണച്ചത്.ഫാക്ടറിയുടെ മേൽക്കൂര ഭാഗികമായി കത്തി. രണ്ടര ലക്ഷം രൂപയുടെ നഷ്ടം കണക്കാക്കുന്നു. ഫയർഫോഴ്‌സ് ഉദ്യോഗസ്ഥരായ പി.വി.പ്രകാശ് കുമാർ, കെ.വി.ലക്ഷമണൻ, എം. കുഞ്ഞിക്കണ്ണൻ എന്നിവർ നേതൃത്വം നൽകി.