കണ്ണൂർ:താഴെ ചൊവ്വയിൽ കാർ സർവീസ് സെന്ററിൽ തീപിടുത്തം.നാലു കാറുകൾ കത്തിനശിച്ചു. തിങ്കളാഴ്ച പുലർച്ചെയാണ് തീപിടുത്തമുണ്ടായത്.താഴെ ചൊവ്വ-കാപ്പാട്,ചക്കരക്കൽ റോഡിലെ സർവീസ് സെന്ററിലാണ് തീപിടുത്തമുണ്ടായത്.ചെറിയ തോതിൽ സ്ഫോടനവുമുണ്ടായി.സ്ഫോടനശബ്ദം കേട്ട സമീപവാസികളാണ് പോലീസിൽ വിവരമറിയിച്ചത്.കണ്ണൂരിൽ നിന്നും രണ്ടും തലശ്ശേരിയിൽ നിന്നും ഒന്നും യുണിറ്റ് അഗ്‌നിശമനസേന എത്തിയാണ് തീയണച്ചത്.ഇവർക്കൊപ്പം പോലീസും നാട്ടുകാരും രക്ഷാപ്രവർത്തനത്തിൽ പങ്കെടുത്തു.