കാഞ്ഞങ്ങാട്:കാഞ്ഞങ്ങാട് നഗരത്തിലെ ഐസ്ക്രീം പാർലറിൽ തീപിടുത്തം.ബസ്സ്റ്റാൻഡ് പരിസരത്തെ കൂൾ ലാൻഡ് ബേക്കറി ആൻഡ് ഐസ്ക്രീം പാർലറിലാണ് തീപിടുത്തം ഉണ്ടായത്.ഇന്ന് രാവിലെ എട്ടുമണിയോട് കൂടി ഐസ്ക്രീം പാർലറിന്റെ അടച്ചിട്ട ഷട്ടറിലൂടെ പുക ഉയരുന്നത് കണ്ട നാട്ടുകാർ അഗ്നിശമന സേനയെ വിവരമറിയിക്കുകയായിരുന്നു. അസിസ്റ്റന്റ് സ്റ്റേഷൻ ഓഫീസർ ഗോപാലകൃഷ്ണൻ മാവിലയുടെ നേതൃത്വത്തിലെത്തിയ അഗ്നിശമനസേന കടയുടെ പൂട്ട് തകർത്ത് അകത്തു കയറി രക്ഷാപ്രവർത്തനം നടത്തുകയായിരുന്നു. കടയിലെ രണ്ടു ഫ്രീസറുകൾ കത്തിനശിച്ചു.ഫ്രീസറിൽ നിന്നുള്ള ഷോർട് സർക്യുട്ടാണ് തീപിടുത്തത്തിന് കാരണമെന്ന് സംശയിക്കുന്നു.