കണ്ണൂർ:കണ്ണൂർ താവക്കര പുതിയ ബസ്സ്റ്റാൻഡിന് സമീപം തീപിടുത്തം.ബസ്സ്റ്റാൻഡിന് പുറകിലെ ചതുപ്പിനോട് ചേർന്നുള്ള സ്ഥലത്താണ് ബുധനാഴ്ച ഉച്ചയോടെ തീപിടുത്തമുണ്ടായത്. എന്നാൽ തീ കൂടുതൽ പടരാതിരുന്നത് വൻ അപകടം ഒഴിവാക്കി. ഇതിനോട് ചേർന്നാണ് റെയിൽപാത കടന്നു പോകുന്നത്.ഇവിടേയ്ക്ക് തീ പടർന്നിരുന്നുവെങ്കിൽ അത് യാത്ര തടസ്സം ഉൾപ്പെടെയുള്ളവയ്ക്ക് കാരണമാകും.കഴിഞ്ഞ ദിവസവും ഇവിടെ തീപിടുത്തമുണ്ടായിരുന്നു. റെയിൽവെ ജീവനക്കാരുടെ നേതൃത്വത്തിൽ ട്രാക്കിനു സമീപത്തുള്ള പ്രദേശങ്ങൾ വൃത്തിയാക്കി തീയിടുന്നതാണ് തീപടരുന്നതിനു കാരണമെന്നു പരിസരവാസികൾ പറഞ്ഞു.