തലശ്ശേരി:തലശ്ശേരി നഗരമധ്യത്തിൽ കടയുടെ സംഭരണശാലയ്ക്ക് തീപിടിച്ചു.പഴയ ബസ്റ്റാന്റിന് സമീപം ഓ.വി റോഡ് കവലയിലെ കിടയ്ക്ക,തറപ്പായ,ഉന്നം തുടങ്ങിയവ വിൽക്കുന്ന പരവതാനി എന്ന കടയുടെ സംഭരണശാലയ്ക്കാണ് തീപിടിച്ചത്.തിങ്കളാഴ്ച ഉച്ചയ്ക്ക് മൂന്നുമണിയോട് കൂടിയാണ് അപകടം നടന്നത്. കടയുടെ മുകളിലെ സംഭരണശാലയിൽ നിന്നും തീയും പുകയും ഉയർന്നതോടെയാണ് തൊഴിലാളികൾ വിവരമറിയുന്നത്.ഉടൻതന്നെ അഗ്നിരക്ഷാ സേനയെ വിവരമറിയിക്കുകയായിരുന്നു.വിവരമറിഞ്ഞ് പാഞ്ഞെത്തിയ അഗ്നിരക്ഷാ സേന വെള്ളം ചീറ്റി തീയണയ്ക്കാനുള്ള ശ്രമം തുടങ്ങി.സമീപത്തെ കടകളിലേക്കും വെള്ളം ചീറ്റി തീപടരുന്നത് ഒഴിവാക്കി.കുറച്ചു സമയങ്ങൾക്കകം പാനൂർ,മാഹി എന്നിവിടങ്ങളിൽ നിന്നും അഗ്നിരക്ഷാ യൂണിറ്റുകളെത്തി. അരമണിക്കൂറിനുള്ളിൽ തീ നിയന്ത്രണവിധേയമാക്കി.തീപിടിത്തത്തെ തുടർന്ന് മൂന്നുമണിക്കൂറോളം ഓ.വി റോഡിൽ ഗതാഗത തടസ്സമുണ്ടായി.ഷോർട് സർക്യൂട്ടാണ് അപകടകാരണമെന്ന് അഗ്‌നിരക്ഷസേന അധികൃതർ പറഞ്ഞു.