മുംബൈ:മുംബൈ വിമാനത്താവളത്തിലെ ആഭ്യന്തര ടെർമിനൽ വൺ എയിലുള്ള കോൺഫെറൻസ് ഹാളിൽ തീപിടുത്തം.അഗ്നിശമന സേന തീയണച്ചതായും തീപിടിത്തം വിമാന സർവീസുകളെ ബാധിച്ചിട്ടില്ലെന്നും അധികൃതർ അറിയിച്ചു.എട്ട് ഫയർ എൻജിനുകൾ എത്തിയാണ് തീ കെടുത്തിയത്.യാത്രക്കാർ ഉപയോഗിക്കുന്ന മുറികളിൽ നിന്നും വളരെ അകലെയാണ് തീപിടിച്ച കോൺഫെറൻസ് ഹാൾ.അതിനാൽ തീപിടുത്തം വിമാനത്താവളത്തിന്റെ പ്രവർത്തനങ്ങളെ ബാധിച്ചിട്ടില്ലെന്ന് അധികൃതർ വ്യക്തമാക്കി.