ചക്കരക്കൽ:കാവിന്മൂല പുറത്തേക്കാട് റോഡിൽ കൈത്തറി ഗോഡൗണിൽ തീപിടുത്തം. വെള്ളിയാഴ്ച പുലർച്ചെ രണ്ടുമണിയോടുകൂടിയാണ് സംഭവം.അപകടത്തിൽ ലക്ഷങ്ങൾ വിലവരുന്ന തുണിത്തരങ്ങൾ കത്തിനശിച്ചു.ഓടിട്ട കെട്ടിടത്തിന്റെ മുറിയിൽ സൂക്ഷിച്ചിരിക്കുകയായിരുന്നു തുണികൾ.ഗോഡൗൺ കെട്ടിടവും കത്തിനശിച്ചു. ഇരുപതുലക്ഷത്തിന്റെ നഷ്ട്ടം കണക്കാക്കുന്നുണ്ട്.കാവിന്മൂല സ്വദേശി നളിനാക്ഷന്റെ ഉടമസ്ഥതയിലുള്ളതാണ് കൈത്തറിഭവൻ.ഇവരുടെ വില്പനകേന്ദ്രം കാവിന്മൂല ടൗണിൽ പ്രവർത്തിക്കുന്നുണ്ട്.തീപിടുത്തത്തിന് പിന്നിൽ സാമൂഹ്യ വിരുദ്ധരാണെന്ന് സംശയിക്കുന്നു. നേരത്തെ കാവിന്മൂലയിൽ പ്രവർത്തിക്കുന്ന ഇവരുടെ കടയ്ക്ക് നേരെ അക്രമം ഉണ്ടായിരുന്നു. ചക്കരക്കൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.