ഗാന്ധിനഗർ: ഗുജറാത്തിലെ കെമിക്കൽ ഫാക്ടറിയിൽ ഉണ്ടായ തീപിടുത്തത്തിൽ രണ്ട് തൊഴിലാളികൾ കൊല്ലപ്പെട്ടു. പഞ്ച്മഹൽസ് ജില്ലയിലെ രഞ്ജിത്ത്‌നഗറിൽ സ്ഥിതിചെയ്യുന്ന ഫ്‌ളൂറോ കെമിക്കൽസ് ലിമിറ്റഡിന്റെ സ്ഥാപനത്തിലാണ് അഗ്നിബാധയുണ്ടായത്. അപകടത്തിൽ 14 ജീവനക്കാർക്ക് പരിക്കേറ്റതായാണ് വിവരം. ഇവരെ ആശുപത്രിയിൽ പ്രവേശിപ്പിച്ചിരിക്കുകയാണ്. രാവിലെ 10 മണിയോടെയാണ് അപകടമുണ്ടായത്. അഗ്നിശമന സേനാംഗങ്ങൾ സംഭവസ്ഥലത്തെത്തി തീയണയ്‌ക്കാനുള്ള ശ്രമങ്ങൾ തുടരുകയാണ്. ഫാക്ടറിയിൽ നിന്നും ഒരു പൊട്ടിത്തെറി സംഭവിച്ചതായും ഇതിന്റെ ശബ്ദം കിലോമീറ്ററുകൾക്കലെ കേട്ടതായും പ്രദേശവാസികൾ പറഞ്ഞു. അഗ്നിബാധയ്‌ക്ക് ഇടയായ കാരണമെന്താണെന്ന് ഇതുവരെ കണ്ടെത്താനായിട്ടില്ല.