അഹമ്മദാബാദ്:ഗുജറാത്ത് തീരത്ത് എണ്ണ ടാങ്കറിനു തീപിടിച്ചു. കണ്ട്ലയിലെ ദീൻദയാൽ തുറമുഖത്തിനു 15 നോട്ടിക്കൽ മൈൽ അകലെ നങ്കൂരമിട്ടിരുന്ന എംടി ഗണേശ എന്ന ടാങ്കറിലാണ് തീപടർന്നത്.ഉടൻ തന്നെ കോസ്റ്റ് ഗാർഡ് സ്ഥലത്തെത്തി തീയണയ്ക്കാനുള്ള ശ്രമം ആരംഭിച്ചു.ബുധനാഴ്ച വൈകുന്നേരം ആറരയോടെയായിരുന്നു സംഭവം.ടാങ്കറിലുണ്ടായിരുന്ന 26 ജീവനക്കാരെയും കോസ്റ്റ് ഗാർഡ് രക്ഷപെടുത്തി.ഇവരിൽ രണ്ടുപേർക്ക് പൊള്ളലേറ്റിരുന്നു.30,000 ടൺ അതിവേഗ ഡീസൽ വഹിച്ചിരുന്ന ടാങ്കറിനാണ് തീപിടിച്ചത്.തീപിടുത്തത്തിന്റെ കാരണം അറിവായിട്ടില്ല.