ഡല്‍ഹി:ഡല്‍ഹിയിലെ പീര്‍ഗര്‍ഹിയില്‍ തീപിടുത്തമുണ്ടായ ഫാക്ടറിയിൽ രക്ഷാപ്രവർത്തനത്തിനെത്തിയ അഗ്നിശമന സേനാംഗം മരിച്ചു. രക്ഷാപ്രവര്‍ത്തനത്തിനിടെ വിഷ പുക ശ്വസിച്ചതാണ് മരണകാരണം. രണ്ട് അഗ്നിശമന ഉദ്യോസ്ഥരുള്‍പ്പടെ 18 പേര്‍ക്ക് പരുക്കേറ്റു. ഇന്ന് പുലര്‍ച്ചെയാണ് തീപടരാന്‍ തുടങ്ങിയത്. ഉടന്‍ തന്നെ ഏഴോളം ഫയര്‍എഞ്ചിനുകള്‍ സ്ഥലത്തെത്തി രക്ഷാപ്രവര്‍ത്തനം ആരംഭിക്കുകയായിരുന്നു.ഒ രക്ഷാപ്രവര്‍ത്തനത്തിനിടെ ഒൻപത് മണിയോടെ ഫാക്ടറിയില്‍ പൊട്ടിത്തെറി ഉണ്ടാവുകയായിരുന്നു.പൊട്ടിത്തെറിയില്‍ ഫാക്ടറിയുടെ ഒരു ഭാഗം തകര്‍ന്ന് വീണു.അവശിഷ്ട്ടങ്ങള്‍ക്കിടയില്‍ മൂന്ന് അഗ്നിശമന സേന ഉദ്യോഗസ്ഥരും ഒരു തൊഴിലാളിയും കുടുങ്ങി. പിന്നാലെ ദേശീയ ദുരന്ത നിവാരണ സേനയും കൂടുതല്‍ അഗ്നിശമന സേന യൂണിറ്റുകള്‍ എത്തിയാണ് രക്ഷാപ്രവര്‍ത്തനം പൂര്‍ത്തിയാക്കിയത്.