കണ്ണൂർ: കണ്ണൂർ കളക്റ്ററേറ്റിൽ ഗണ്മാന്റെ തോക്കിൽ നിന്നും അബദ്ധത്തിൽ വെടിപൊട്ടി. ധർമടം മണ്ഡലത്തിലെ തിരഞ്ഞെടുപ്പ് നിരീക്ഷകൻ ദീപാങ്കർ സിൻഹയുടെ ഗണ്മാന്റെ കൈവശമുണ്ടായിരുന്ന തോക്കിൽ നിന്നുമാണ് വെടിപൊട്ടിയത്.ഇന്നലെയായിരുന്നു സംഭവം.തിര നിറച്ചത് ശരിയാകാത്തതിനെ തുടർന്ന് ഗൺമാൻ തോക്കുമായി കളക്റ്ററേറ്റിൽ പിസ്റ്റൾ പരിശോധിക്കുന്ന ഉദ്യോഗസ്ഥനെ കാണാനെത്തിയതായിരുന്നു.അദ്ദേഹം തോക്കിനുള്ളിൽ കുടുങ്ങിയ തിര എടുക്കാൻ ശ്രമിക്കുന്നതിനിടെ വെടിപൊട്ടുകയായിരുന്നു. ആർക്കും പരിക്കില്ല. സാധാരണ സുരക്ഷിതമായ സ്ഥലത്തുവെച്ചാണ് ഇത്തരം കാര്യങ്ങൾ ചെയ്യേണ്ടത്.സംഭവത്തെ കുറിച്ച് അന്വേഷണം തുടങ്ങി.