കോട്ടയം:പഠിക്കാതിരുന്നതിന് വീട്ടുകാർ വഴക്ക് പറഞ്ഞതിനെ തുടർന്ന് പതിമൂന്നുകാരി ആറ്റിൽ ചാടി ജീവനൊടുക്കി . തിരുവല്ല നെടുമ്പ്രം കുറ്റിപ്പറമ്പിൽ സന്തോഷ്–സീമ ദമ്പതികളുടെ മകൾ നമിതയാണ് മരിച്ചത്. ഇന്ന് രാവിലെ ഏഴരയോടെ ആയിരുന്നു സംഭവം.നെടുമ്പ്രം കല്ലുങ്കൽ ഓട്ടാഫീസ് കടവിലെ പാലത്തിൽ നിന്നും ആണ് പെൺകുട്ടി ചാടിയത്. തുടർന്ന് പൊലീസും നാട്ടുകാരും സംയുക്തമായി നടത്തിയ തിരച്ചിലിൽ എട്ടു മണിയോടെ മൃതദേഹം കണ്ടെടുത്തു.തിരുവല്ല എസ്‌സിഎസ് സ്കൂളിലെ ഏഴാം ക്ലാസ് വിദ്യാർത്ഥിനിയാണ് .പഠിക്കാതിരുന്നതിന് വീട്ടുകാർ നമിതയെ വഴക്കു പറഞ്ഞിരുന്നു. ഇതിന് പിന്നാലെ വീട്ടിൽ നിന്നിറങ്ങി 100 മീറ്റർ അകലെ ഓട്ടാഫീസ് കടവ് പാലത്തിനോടു ചേർന്നുള്ള ആറ്റിലേക്ക് ചാടുകയായിരുന്നുവെന്നാണ് സൂചന . മൃതദേഹം തിരുവല്ല താലൂക്ക് ആശുപത്രി മോർച്ചറിയിലേക്ക് മാറ്റി.