പയ്യന്നൂർ ∙ പെരുങ്കളിയാട്ടത്തിനു മുന്നോടിയായി കുഞ്ഞിമംഗലം പുറത്തെരുവത്ത് മുച്ചിലോട്ട് ഭഗവതി ക്ഷേത്രത്തിൽ കുടുംബസംഗമം നടന്നു. കണ്ണൂർ, കാസർകോട് ജില്ലകളിലായി 1500ൽ അധികം കുടുംബങ്ങൾ ഈ ക്ഷേത്രത്തിന്റെ പരിധിയിൽ വരും. പ്രസിഡന്റ് എം.വി.ശശിധരൻ അധ്യക്ഷത വഹിച്ചു. കുഞ്ഞിമംഗലം മുച്ചിലോടും മുച്ചിലോട്ട് ഭഗവതിയും’ എന്ന വിഷയത്തിൽ ഡോ. വൈ.വി.കണ്ണൻ പ്രഭാഷണം നടത്തി. 70 വയസ്സ് കഴിഞ്ഞ കുടുംബാംഗങ്ങളെ ആദരിച്ചു.2018 ഡിസംബറിൽ പെരുങ്കളിയാട്ടം നടത്താൻ തീരുമാനിച്ചു.