കണ്ണൂര്‍: കഴിഞ്ഞദിവസം അഞ്ചരക്കണ്ടിയില്‍ വെട്ടേറ്റയാള്‍ മരിച്ചെന്നും കണ്ണൂരില്‍ തിങ്കളാഴ്ച ഹർത്താലാണെന്നും ചില സാമൂഹ്യ ദ്രോഹികൾ സമൂഹ മാധ്യമങ്ങളിലൂടെ പ്രചരിപ്പിച്ചു. ഒരു യുവാവിന്റെ ചിത്രം സഹിതമാണ് വാര്‍ത്തകള്‍ വന്നത്. ഇത്തരം സന്ദേശങ്ങള്‍ പ്രചരിച്ചതോടെ പത്രഓഫീസുകളിലേക്ക് നിരന്തരം വിളികള്‍വന്നു.
അഞ്ചരക്കണ്ടിയിലുള്ളവരാണെങ്കില്‍ ഈ സന്ദേശം കാണുമ്പോഴാണ് കഥയറിയുന്നത്. ഇത്തരം വ്യാജവാര്‍ത്തകള്‍ സമൂഹമാധ്യമങ്ങള്‍വഴി പ്രചരിപ്പിക്കുന്നതിനെതിരേ കളക്ടര്‍ തന്നെ രംഗത്തുവന്നിരുന്നു.ഇത്തരക്കാരെ നിയമപരമായി നേരിടുമെന്ന് മുന്നറിയിപ്പും നൽകിയിരുന്നു. എന്നാല്‍, തുടര്‍ന്ന് നടപടികളൊന്നുമുണ്ടാവാത്തതാണ് ഇത്തരക്കാര്‍ക്ക് പ്രോത്സാഹനമാകുന്നത്.