കണ്ണൂർ:ജനങ്ങളെ പരിഭ്രാന്തരാക്കി ആയിക്കരയിൽ വ്യാജബോംബ് ഭീഷണി.ഇന്നലെ രാവിലെ കണ്ണൂർ ടൌൺ പോലീസ് സ്റ്റേഷനിലേക്കാണ് കായിക്കര ഹാർബർ പ്രദേശത്ത് ബോംബ് വെച്ചിട്ടുണ്ടെന്ന അജ്ഞാത ഫോൺ സന്ദേശമെത്തിയത്. ജനങ്ങൾ ഇടതിങ്ങി പാർക്കുന്ന പ്രദേശമാണിത്.മാത്രമല്ല കുറച്ചു ദിവസങ്ങളായി നടന്നു വരുന്ന കണ്ണൂർ സിറ്റി ഫെസ്റ്റിവലിന്റെ വേദിയുമാണ് ഈ സ്ഥലം.അതുകൊണ്ടു തന്നെ സന്ദേശം ലഭിച്ചയുടനെ പോലീസ് ജഗരൂകരാകുകയും സ്ഥലത്ത് കർശന പരിശോധന നടത്തുകയും ചെയ്തു. ആയിക്കര ഹാർബർ പ്രദേശത്തും പരിസരങ്ങളിലും പോലീസും ബോംബ് സ്ക്വാർഡും പരിശോധന നടത്തിയെങ്കിലും ഒന്നും കണ്ടെത്താനായില്ല.ബോംബിന് സമാനമായ വസ്തു കണ്ടെത്തിയങ്കിലും ഇത് യഥാർത്ഥ ബോംബല്ലെന്ന് പോലീസ് പറഞ്ഞു. പരിശോധനയ്‌ക്കൊടുവിലാണ് സന്ദേശം വ്യാജമാണെന്ന് മനസ്സിലായത്.