കണ്ണൂര്‍: മുഖ്യമന്ത്രി പിണറായി വിജയനെതിരെ ഫേസ്ബുക്കില്‍ പോസ്റ്റിട്ട കിയാല്‍ ഉദ്യോഗസ്ഥനെ ജോലിയില്‍ നിന്നും പിരിച്ചുവിട്ടു. അഗ്നിശമന സേന അസിസ്റ്റന്‍റ് മാനേജര്‍ കെ.എല്‍. രമേശിനെയാണ് പിരിച്ചു വിട്ടത്.തിരുവനന്തപുരം പദ്മനാഭസ്വാമി ക്ഷേത്രവുമായി ബന്ധപ്പെട്ട സുപ്രീംകോടതി വിധിയില്‍ സര്‍ക്കാരിനെയും മുഖ്യമന്ത്രിയെയും വിമര്‍ശിച്ച്‌ രമേശന്‍ ഫേസ്ബുക്കില്‍ പോസ്റ്റ് പങ്കുവച്ചിരുന്നു. ഇതേതുടര്‍ന്നാണ് നടപടി. അച്ചടക്ക ലംഘനം നടത്തിയതിനാണ് രമേശിനെതിരെ നടപടിയെടുത്തതെന്നാണ് സംഭവത്തില്‍ കിയാല്‍ നല്‍കുന്ന വിശദീകരണം. അതേസമയം, ജീവനക്കാരുടെ സ്വതന്ത്ര സംഘടന രൂപീകരിച്ചതിനാണ് ജോലിയില്‍ നിന്നും പുറത്താക്കിയതെന്നാണ് രമേശന്‍ പറയുന്നത്. തീരുമാനത്തിനെതിരെ നിയമനടപടി സ്വീകരിക്കുമെന്നും അദ്ദേഹം വ്യക്തമാക്കി.