എറണാകുളം:സംസ്ഥാനത്ത് ഒരു കോവിഡ് മരണം കൂടി. എറണാകുളം തോപ്പുംപടി സ്വദേശി യുസുഫ് സെയ്ഫുദ്ദീന് ആണ് മരിച്ചത്.ഇന്നലെ രാത്രിയായിരുന്നു മരണം.കഴിഞ്ഞ മാസം 28 മുതല് കളമശ്ശേരി മെഡിക്കല് കോളജില് ചികിത്സയിലായിരുന്നു.കഴിഞ്ഞ 28 ആം തീയതിയാണ് തോപ്പുംപ്പടി സ്വദേശിയായ യൂസഫിനെ കളമശ്ശേരി മെഡിക്കല് കോളേജില് പ്രവേശിപ്പിച്ചത്. ഇദ്ദേഹത്തിന് സമ്പര്ക്കത്തിലൂടെയാണ് രോഗബാധയുണ്ടായത്. ദീര്ഘനാളായി പ്രമേഹരോഗത്തിന് ചികിത്സയിലായിരുന്നു. യൂമോണിയ ബാധിച്ചതിനാല് 28 ആം തീയതി മുതല് തന്നെ ഇദ്ദേഹം ശ്വസനസഹായിയുടെ സഹായത്തോടെ ഐസിയുവില് ചികിത്സയിലായിരുന്നു. പിന്നീട് വൃക്കകളുടെ പ്രവര്ത്തനവും വഷളായി. തുടര്ന്ന് ഇന്നലെ രാത്രിയോടെ മരണപ്പെടുകയായിരുന്നു. ഇദ്ദേഹത്തിന്റെ മരണാനന്തര ചടങ്ങുകള് കോവിഡ് പ്രോട്ടോകോള് പ്രകാരം നടക്കും. ഇന്നലെ സമ്പര്ക്കത്തിലൂടെ മൂന്ന് പേര്ക്കാണ് എറണാകുളം ജില്ലയില് രോഗബാധയുണ്ടായത്.