തൃശൂര്‍: കനത്ത മഴ തുടരുന്ന സാഹചര്യത്തില്‍ വിനോദ സഞ്ചാരികള്‍ക്ക് അതിരപ്പള്ളി വെള്ളച്ചാട്ടത്തിലേക്കുള്ള പ്രവേശനം താത്കാലികമായി നിരോധിച്ചു. അതിരപ്പള്ളി വെള്ളച്ചാട്ടത്തിന്റെ ദൃശ്യ ഭംഗി ആസ്വദിക്കാനായി നിരവധി പേരാണ് ദിവസവും എത്താറുള്ളത്. എന്നാല്‍ ശക്തമായ മഴയാണ് വിനോദ സഞ്ചാരികളുടെ പ്രവേശനം തടഞ്ഞത്. കൂടാതെ അതിരപ്പള്ളി മലക്കപ്പാറ റോഡില്‍ ഗതാഗതവും താത്കാലികമായി നിരോധിച്ചിരിക്കുകയാണ്. വെള്ളച്ചാട്ടത്തിലേക്കുള്ള പ്രവേശന കവാടം അടച്ചിട്ടിരിക്കുകയാണ്. മഴയുടെ തീവ്രത കുറഞ്ഞാല്‍ മാത്രമേ പ്രവേശനം പുനരാരംഭിക്കുകയുള്ളു.