ജമ്മു:ജമ്മു കശ്മീരിലെ അനന്ത്നാഗില് സുരക്ഷസേനയും ഭീകരരും തമ്മില്‍ ഏറ്റുമുട്ടല്‍.രണ്ട്‌ ഭീകരരെ സുരക്ഷാ സേന വധിച്ചു.ബധോര ഗ്രാമത്തില്‍ തിങ്കളാഴ്ച പുലര്‍ച്ചെ മുതലാണ് ഏറ്റുമുട്ടല്‍ തുടങ്ങിയത്. കൂടുതല്‍ ഭീകരര്‍ ഇവിടെ ഒളിച്ചിരിക്കുന്നതായും റിപ്പോര്‍ട്ടുണ്ട്. ഏറ്റുമുട്ടല്‍ തുടരുകയാണെന്നാണ് സൂചന.ജൂണ്‍ 12-ന് അനന്ത്നാഗില് ഭീകരാക്രമണം ഉണ്ടായതിന്റെ പിന്നാലെയാണ് മേഖലയില്‍ വീണ്ടും ഏറ്റുമുട്ടല്‍ ഉണ്ടായിരിക്കുന്നത്. ബുധനാഴ്ച ഉണ്ടായ ആക്രമണത്തില്‍ 6 സുരക്ഷാ സേന ഉദ്യോഗസ്ഥര്‍ വീരമൃത്യു വരിച്ചിരുന്നു. ബൈക്കിലെത്തിയ ജയ്ഷെ മുഹമ്മദ് ഭീകരര്‍ സിആര്‍പിഎഫ്-പോലീസ് പട്രോള്‍ സംഘത്തിനു നേരെ വെടിയുതിര്‍ക്കുകയായിരുന്നു. അതേസമയം ജമ്മു കശ്മീരിലെ പൂഞ്ചില്‍ പാക് സൈന്യം വെടി നിര്‍ത്തല്‍ കരാര്‍ ലംഘിച്ച്‌ വെടിവെയ്പ്പ് നടത്തിയിരുന്നു. വെടിവയ്പില്‍ ബിഎസ്‌എഫ് ജവാന് പരുക്കറ്റു. പൂഞ്ചിലെ കൃഷ്ണഘാട്ടി സെക്ടറിലാണ് സംഭവം.