കണ്ണൂര്: എ.ടി.എമ്മുകള് കാലിയായിട്ട് ദിവസങ്ങള് പിന്നിടുമ്പോള് ഓരോ എ.ടി.എമ്മിലും കയറി ഇറങ്ങി വലയുകയാണ് ജനം. ജില്ലയിലെ പൊതുമേഖലാ ബാങ്കുകളുടെ എ.ടി.എമ്മുകളില് മിക്കതിലും പണമില്ലാതായിട്ട് നാല് ദിവസമായി. പുതുതലമുറ സ്വകാര്യ ബാങ്കുകളുടെ എ.ടി.എമ്മുകളെ നോട്ടുക്ഷാമം വലിയ തോതില് ബാധിച്ചിട്ടില്ല. ബാങ്കുകളില് പണം പിന്വലിക്കാനെത്തുന്നവര്ക്ക് പരിധിയില്ലാതെ പണം നല്കാന് തുടങ്ങിയതോടെ നോട്ട് ക്ഷാമം രൂക്ഷമായതാണ് എ.ടി.എമ്മുകള് കാലിയാവാന് കാരണം. എ.ടി.എമ്മുകളില് പണമില്ലാതായതോടെ ബാങ്കുകളില് വലിയ തിരക്കാണ് അനുഭവപ്പെടുന്നത്.